Рөстәм Миңнеханов Республика ифтарыннан фотолар күрсәтте һәм оештыручыларга рәхмәт әйтте
Скопировать ссылку
Бүген Татарстан Рәисе Рөстәм Миңнеханов 12 нче Республика ифтарында катнашты. «Казан-Экспо»да узган чарадан фотоларны ул телеграм-каналына куйды.
Ул быел 12 нче Республика ифтарында 12 меңгә якын кунак булуын әйтә һәм оештыручыларга рәхмәт белдерә.
«Бүген «Казан Экспо» халыкара күргәзмәләр үзәгендә 12-нче Республикакүләм ифтар узды. Һәр елдагыча бу матур гадәт күпсанлы дәрәҗәле кунакларны һәм мөселман ватандашларны җыйды. Бүгенге тынычсыз заманда шушы зур чараны имин һәм оешкан рәвештә уздырган һәр хезмәткәргә, һәр волонтерга чиксез рәхмәтләремне җиткерәм. Тоткан уразаларыгыз һәм оештырган ифтарларыгыз кабул булсын, Аллаһ ризалыгын насыйп итсен», – дип яза Рөстәм Миңнеханов.