Рөстәм Миңнеханов Нефтьче көнендә һөнәри осталык бәйгесен югары бәяләде
Скопировать ссылку
Әлмәттә Нефтьчеләр көне уңаеннан үткәрелгән тантанада иң кызык өлеше һөнәри осталык бәйгесе булган. Бу хакта Татарстан Республикасы Рәисе Рөстәм Миңнеханов үзенең Telegram-каналында язган.
«Чарада иң кызыклысы — һөнәри осталык бәйгесе. Быел 680 катнашучы гариза биргән: бораулаучылар, скважина ремонтлаучылар, слесарьлар, операторлар. Катнашучыларга уңышлар! Ә киләчәк һөнәрне сайлаган балалар өчен яхшы үрнәк! Барлык нефтьчеләрне бәйрәм белән!» — дигән Миңнеханов.
Элегрәк «Татар-информ» хәбәр иткәнчә, Татарстан Рәисе Рөстәм Миңнеханов Әлмәттә Нефтьчеләр көне һәм шәһәрнең 70 еллыгы уңаеннан үткәрелгән тантаналарда катнашты.
