Авыл 4 сентябрь 2025 20:26

Рөстәм Миңнеханов Минзәлә районында авыл хуҗалыгы хезмәтчәннәре белән очрашты

Скопировать ссылку

Татарстан Рәисе Рөстәм Миңнеханов Минзәлә районына эш сәфәрендә булды. Аны ТР вице-премьеры - авыл хуҗалыгы һәм азык-төлек министры Марат Җәббаров һәм район башлыгы Айдар Сәлахов озата йөрде. Бу хакта ТР Рәисе матбугат хезмәте хәбәр итә.

ТР Рәисе «Камский Бекон» ҖЧҖ сөтчелек комплексында булды. Компания Минзәлә районында 16,4 мең гектар сөрү җирләрен эшкәртә. Терлекләрне югары технологияле терлек азыгы белән тәэмин итү өчен төп мәйданны терлек азыгы алып тора. Август ахырына 73,2 мең тонна терлек азыгы әзерләнгән. Хуҗалыкта 17,2 мең баш мөгезле эре терлек бар, шуларның 8,2 меңе сыерлар. Көнлек савым 236 тонна тәшкил итә.

Ел башыннан 47,8 мең тонна сөт җитештерелгән. 2025-2026 елларга план - савым сыерларын 9,5 мең берәмлеккә җиткерү. 2024 елда «Камский бекон» компаниясе тарафыннан 6,4 мең башка исәпләнгән 11 бозау абзары төзелгән, 3 мең савым сыерына исәпләнгән 6 корпус төзелә. 9 силос-сенаж траншеясы төзелгән, аларның һәркайсы 17,5 мең тоннага исәпләнгән. Комплекс территориясендә аграрийлар һәм авыл җирлекләре башлыклары белән очрашу узды. Бүгенгә районда 27,6 мең гектар мәйданда җыеп алынган - 71 процент. Комбайнчылар 125 мең тонна ашлык суктырганнар. Тиздән шикәр чөгендерен җыюга керешү планлаштырыла. 3,7 мең гектарда җыеп аласы бар. Районда баш саны арту күзәтелә. Бүгенгә 24,6 мең баш мөгезле эре терлек исәпләнә (үсеш 6%), шуларның 11,3 меңе - савым сыерлары (үсеш 13%).

Рөстәм Миңнеханов Минзәлә районы казанышларын югары бәяләде, шулай ук республикада барлык проектларны һәм программаларны гамәлгә ашыру дәвам итәчәк, дип өстәде.

Сәхифәләр

Рөстәм Миңнеханов Минзәлә районында авыл хуҗалыгы хезмәтчәннәре белән очрашты