Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рөстәм Миңнеханов Мәскәүдә Андрей Туполевка һәйкәл ачуда катнашты
Бүген Мәскәүдә тантаналы рәвештә авиаконструктор Андрей Николаевич Туполевка һәйкәл һәм мәгълүмат-музей үзәге ачылды. Тантанада Татарстан Президенты һәм «Туполев» ГАҖ Директорлар советы рәисе Рөстәм Миңнеханов катнашты, дип хәбәр итә республика җитәкчесенең матбугат хезмәте.
Һәйкәлне символик рәвештә ачу хокукы авиаконструкторның оныклары Татьяна һәм Андрей Туполевларга бирелде. Әлеге чара «Ростех» дәүләт корпорациясенең Берләшкән авиатөзелеш корпорациясенә керә торган «Туполев» ГАҖ конструкторлык бюросының йөз еллык юбилеена багышланган иде.
Һәйкәл Россия башкаласында Туполев хөрмәтенә куелган беренче монумент булды. Скульптура композициясендә авиаконструктор фигурасы һәм очып бара торган Ту-144 самолеты силуэты бар. Һәйкәлне Мәскәү Рәссамнар берлеге һәм Россия рәссамнар иҗаты берлеге әгъзасы скульптор Владимир Иванов һәм Россия Сәнгать академиясе әгъза-корреспонденты һәм Халыкара архитектура академиясе профессоры архитектор Михаил Корси эшли. Иванов иҗат иткән скульптуралар Мәскәүдә, Жуковский шәһәрендә һәм башка мәйданчыкларда куелган.
Аннары яңа Авиация тәҗрибәсе конструкторлык бюросы музее презентациясе булды, ул масштаблы реконструкциядән соң ачылды.
Кызыклы яңалыкларны күзәтеп бару өчен Телеграм-каналга язылыгыз