Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Рөстәм Миңнеханов Мәскәүдә Татарстан Мәдәнияте көннәрендә Камилә Вәлиева белән очрашты
Фигуралы шуу буенча Олимпия чемпионы Камилә Вәлиева Мәскәүдә Татарстан Мәдәнияте көннәре хөрмәтенә үткәрелгән тантаналы кичәдә ТР Президенты Рөстәм Миңнеханов белән очрашты. Фигуралы шуучы үзенең телеграм-каналында әлеге чарадан фотолар урнаштырган.
Шунысын да искәртик: Камилә Вәлиева Казанда туган, шунда фигуралы шуу белән шөгыльләнә башлаган. Алты яшендә ул Мәскәүгә күченә һәм Этери Тутберидзе белән эшли башлый.
Казан спортчысы Пекинда узган Олимпия уеннарында, Европа һәм Россия чемпионатларында җиңү яулады.
Вәлиева Олимпиаданың командалы зачетында җиңгәннән соң, Бөтендөнья допингка каршы агентлык (WADA) яшь чемпионның канында тыелган препарат табылуы турында игълан итте. Шуңа да карамастан, фигуралы шуучыга шәхси ярышларда катнашырга рөхсәт иттеләр, ул анда дүртенче урынны гына яулады.
Элегрәк Камилә Вәлиева Алинә Заһитова белән дуслар булуы турында әйткән иде.
Кызыклы яңалыкларны күзәтеп бару өчен Телеграм-каналга язылыгыз