Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рөстәм Миңнеханов Кытайның иң зур төзелеш компанияләренең берсендә булды
![Рөстәм Миңнеханов Кытайның иң зур төзелеш компанияләренең берсендә булды](https://tatar-inform.tatar/resize/shd/images/uploads/news/2024/6/26/f7f580be26579c7319fd5e68a54b5384.jpg)
Татарстан Рәисе Рөстәм Миңнеханов Синьцзян җитештерү-төзелеш корпусы Төзелеш-инженерлык төркемендә булды. Ул торак, юллар төзү генераль подряды буенча эшли һәм Кытайның иң зур 500 предприятиесе арасына керә.
«Оешма дөньяның 250 иң зур халыкара подрядчысы арасына керә һәм Синьцзяндагы «инвестицияләр, финанслау, төзелеш һәм эксплуатация»не берләштерә торган иң зур комплекслы төзелеш-инвестиция төркеме санала», - дип белдерде ТР Рәисенең матбугат хезмәте җитәкчесе Лилия Галимова.
Рөстәм Миңнехановка бүгенге көндә Кытайның 21 провинциясендә һәм 18 чит илдә проектлар гамәлгә ашыра торган компаниянең эш принциплары хакында сөйләделәр. Гамәлгә ашырылган проектлар арасында дөньяда иң зур ясалма утраулар төркеме (Дубай Пальма утравы), Синьцзяндагы иң зур су хуҗалыгы үзәкләре, Каракорым тауларындагы иң озын Кытай-Пакистан автомагистрале бар.
Бүген Xingtuan Construction Engineering Group составында 10 бүлендек предприятие бар, хезмәткәрләр саны 9 мең кешедән артып китә. 2023 елда җитештерү күләме 47,08 миллиард юань тәшкил иткән.
Кызыклы яңалыкларны күзәтеп бару өчен Телеграм-каналга язылыгыз