Рөстәм Миңнеханов Казанга килгән Гурбангулы Бердымөхәммәдовны каршы алды
Скопировать ссылку
Пәнҗешәмбе көнне, 19 майда, Татарстан Президенты Рөстәм Миңнеханов Казан аэропортында Төрекмәнстан Халк Маслахаты Милли Генгеш Рәисе Гурбангулы Бердымөхәммәдовны каршы алды.
Бердымөхәммәдов Татарстанга Идел буе Болгар дәүләтендә ислам динен кабул итүнең 1100 еллыгын бәйрәм итү чараларына килде. Миңнеханов төрекмән парламентының югары палатасы башлыгын быелның апрелендә Төрекмәнстанга баргач чакырды.
Гурбангулы Бердымөхәммәдов 2006 елның 21 декабреннән 2022 елның 19 мартына кадәр Төрекмәнстан Президенты вазифасын биләде. Аннары отставкага китте. Сайлауларда аның улы - Сердар Бердымөхәммәдов җиңде.