Рөстәм Миңнеханов Казан халкын авыл хуҗалыгы ярминкәләренә чакырды
Скопировать ссылку
Татарстан Рәисе Рөстәм Миңнеханов Казанда яшәүчеләрне авыл хуҗалыгы ярминкәләренә килергә чакырды. Беренче көзге ярминкә иртәгә 6:00 сәгатьтән 13:00 сәгатькә кадәр узачак, дип искәртте ул телеграм-каналында.
Алга таба сәүдә нокталары һәр шимбә Татарстан башкаласының барлык районнарында эшләячәк. Биредә җирле җитештерүчеләр продукциясен сатып алырга мөмкин. «Туган туфракта» үстерелгән продукция кибетләрдә тәкъдим ителгәннән күпкә тәмлерәк һәм файдалырак, дип саный Миңнеханов.
«Үзебезнең чишмә, инеш суларын эчеп, туган туфрагыбызда үскән яшелчәләр һәм җиләк-җимешләр, кадерләп үрчетелгән мал тәмлерәк тә, файдалырак та була!» - дип язган ул.