Рөстәм Миңнеханов Калмыкия Республикасы башлыгы Бату Хасиков белән очрашты
Татарстан Рәисе Рөстәм Миңнеханов Калмыкия Республикасы Башлыгы Бату Хасиков белән очрашты. Очрашу ТР Хөкүмәте йортында узды, дип хәбәр итә ТР Рәисе матбугат хезмәте.
Яклар төбәкара багланышлар, кайбер юнәлешләр буенча элемтәләрне үстерү мәсьәләләре буенча фикер алышты. Аерым алганда, Рөстәм Миңнеханов һәм Бату Хасиков инвестицияләр җәлеп итү, мәгълүматлаштыру, эчке туризмны үстерү, иҗтимагый киңлекләрне төзекләндерү, кадрлар әзерләү өлкәсендә тәҗрибә уртаклашу турында килештеләр.
Фото: © ТР Рәисе матбугат хезмәте
Исегезгә төшерәбез, 2024 елда Татарстан белән Калмыкия арасында икътисади, мәдәни, социаль һәм башка өлкәләрдә хезмәттәшлек турында килешүне гамәлгә ашыру буенча чаралар планы имзаланды. «Безнең төбәкләрнең үзара файдалы хезмәттәшлекне үстерү өчен потенциалы зур», - дип ассызыклады республика Рәисе.