Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Рөстәм Миңнеханов һәм Сергей Цивилев KazanEnergyExpo күргәзмәсен карады
Бүген «ЭНЕРГОПРОМ-2025» Казан халыкара форумы кысаларында «KazanEnergyExpo» махсуслаштырылган энергетика күргәзмәсе ачылды. Татарстан Рәисе Рөстәм Миңнеханов һәм Россия энергетика министры Сергей Цивилев энергетика тармагындагы яңалыклар белән танышты.
Россиянең 17 төбәге, шулай ук чит илләрнең 91 компаниясе үз продукциясен, шулай ук энергетика өлкәсендәге технологик һәм цифрлы чишелешләрне тәкъдим итте.
Энергетика тармагының Бөек Ватан сугышында Җиңүгә керткән өлешенә багышланган «Ике тапкыр җиңүчеләр» стенды быел иң масштаблысы булды. Күргәзмә кунаклары җиңүгә зур өлеш керткән конкрет энергетика объектлары белән җентекләбрәк танышты.
«Сез сугышта җиңә яуладыгыз һәм көчле дәүләт төзедегез, шуңа күрә сез - ике тапкыр җиңүчеләр», – дип белдерде Цивилев.
Моннан тыш, экспозициядә ясалма фәһем нигезендәге тармак өчен өр-яңа чишелешләр, шулай ук лазер технологияләре һәм контактсыз анализ системалары да тәкъдим ителде.
Рөстәм Миңнеханов күргәзмәне караганнан соң экспозицияне оештыручыларга сыйфатлы эшләре өчен рәхмәт белдерде һәм барлык кунакларны күргәзмә белән танышырга чакырды.
«Бөек Ватан сугышыннан соң энергетиканың ничек үсеш кичерүенә багышланган бик яхшы күргәзмә оештырдык. Мондый катлаулы чорда илебез шуның аркасында аягына басты. Һәм СССРның энергетика системасы ярдәмендә Россия хәзерге рәвешен алды», - диде республика җитәкчесе.
Кызыклы яңалыкларны күзәтеп бару өчен Телеграм-каналга язылыгыз