Рөстәм Миңнеханов һәм Игорь Шувалов Татарстанның инвестицион проектлары турында сөйләште
Скопировать ссылку
Бүген Татарстан Рәисе Рөстәм Миңнеханов һәм ВЭБ.РФ дәүләт үсеш корпорациясе Рәисе Игорь Шувалов эшлекле очрашу үткәрде. Очрашу ТР Хөкүмәте Йортында республика җитәкчесенең эш кабинетында узды. Бу хакта ТР Рәисе матбугат хезмәте хәбәр итә.
Игорь Шувалов Казанда эш сәфәрендә.
Очрашуда, аерым алганда, ВЭБ.РФнең төбәк белән Татарстан Республикасы моношәһәрләренең инвестицион проектларына ярдәм итү һәм үстерү, «Алабуга» МИЗ мәйданчыгындагы перспектив проектлар һәм башка темалар буенча эше турында фикер алыштылар.
Бүген ВЭБ.РФ Рәисе Игорь Шувалов Казан федераль университеты (КФУ) Гыйльми советының киңәйтелгән утырышында катнашыр һәм анда лекция укыр дип көтелә.