news_header_top_970_100
16+
news_header_bot_970_100

Рөстәм Миңнеханов гарәп кулъязмаларын өйрәнү турында: Бу бик кирәкле эш

Рөстәм Миңнеханов гарәп кулъязмаларын өйрәнү турында: Бу бик кирәкле эш
Салават Камалетдинов

Татарстан Рәисе Рөстәм Миңнеханов гарәп кулъязмаларын өйрәнү һәм цифрлаштыру эшенең әһәмиятен билгеләп узды. «Бу бик кирәкле эш, эченә кермәсәң, белмисең. 50 меңнең күпме нөсхәсе дөньяда беркая да юк, аны сакларга кирәк», – диде ул Кремльдә татар зыялылары белән очрашуда.

Әлеге темага «ТН-Мирас» оешмасы проектлар җитәкчесе Мария Минеева чыгыш ясады. Ул Язма мирас үзәге һәм «Татнефть-Мирас» оешмасы арасында дәүләт-хосусый партнерлык оештырылганын әйтте.

«Ике проект башланды. Беренчесе – кулъязмаларны цифрлаштыру, икенчесе – газета журналларда басма текстларны гарәп язуыннан кириллицага күчерә торган «Мирас-tat» прграммасы нигезендәге эш. Үзәктә тагын бер планетар сканер урнаштырабыз», – диде Минеева.

Рөстәм Миңнеханов, кирәк булса, тагын бер сканер алып бирү мөмкинлеге булуын әйтте. «Мин бу эшне хуплыйм, телебез өчен, яшьләр белән эшләү өчен нәрсә кирәк – барысын да эшләргә», – диде республика Рәисе.

 

 

autoscroll_news_right_240_400_1
autoscroll_news_right_240_400_2
news_bot_970_100