Рөстәм Миңнеханов Гарәп Әмирлекләрендә DP World порт операторы башлыгы белән очрашты
Татарстан Рәисе Рөстәм Миңнеханов Берләшкән Гарәп Әмирлекләренә эш сәфәре барышында DP World рәисе, иң зур порт операторларының берсе Солтан Әхмәд Бин Сөләйем белән очрашты. Бу хакта ТР Рәисе матбугат хезмәте җитәкчесе Лилия Галимова хәбәр итте.
DP World компаниясе 78дән артык диңгез терминалы һәм дөньядагы иң зур индустриаль парк – Jebel Ali Free Zone (JAFZA) белән эшли.
Фото: ТР Рәисе матбугат хезмәте
Россия Президенты Владимир Путин өстенлекле максат итеп логистик маршрутларны диверсификацияләүне, беренче чиратта – «Төньяк – Көньяк» транспорт коридорын булдыруны билгеләде, дип игътибар итте Рөстәм Миңнеханов сөйләшү барышында.
«Татарстан географик урнашу урыны һәм алга киткән инфраструктурасы ярдәмендә әлеге коридорның үзәк төене булып тора. Без Гарәп Әмирлекләре һәм сезнең компания белән үзара сәүдәне үстерү белән кызыксынабыз», – дип ышандырды ТР Рәисе.