Рөстәм Миңнеханов Бөтенроссия авыл Сабан туе белән котлады
Скопировать ссылку
Бүген Әстерханның Три Протока - Җәмәле авылында XIII Бөтенроссия авыл Сабан туе уза. Тантанада Әстерхан өлкәсе губернаторы Игорь Бабушкин һәм Татарстан Рәисе Рөстәм Миңнеханов катнаша.
«Чын күңелдән сезне үзебезнең иң яраткан бәйрәмебез – Сабантуй бәйрәме белән котлыйм. Һәммәгезгә исәнлек-саулык, тынычлык телим. Игорь Юрий улына (Т.и.иск.), аның командасына зур рәхмәт әйтәсем килә. Бәйрәм бик матур урында оештырылган», – диде Рөстәм Миңнеханов.
«Бу Россиядәге беренче Сабантуй, Татарстанда да Сабантуй оештырылмады әле. Әлеге бәйрәмгә килгән делегацияләргә, Әстерхан халкына зур рәхмәтләремне җиткерәм. Сабантуй – ул сабан бәйрәме!» – диде котлавында Рөстәм Миңнеханов.