Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рөстәм Миңнеханов Биектау районында ремонтланган хәрби комиссариатны карады
Татарстан Президенты Рөстәм Миңнеханов Биектау районында капиталь ремонттан соң Хәрби комиссариат бинасын карады. Биектау районы Хәрби комиссариаты 1973 елда төзелгән административ бинада урнашкан, шулай ук 1982 елда төзелгән хәрби хезмәткә чакыру пункты бинасы да бар.
Ремонт эшләре июнь аенда башланды, хәзерге вакытта объектта түбәне, фасадны яңарттылар, тәрәзә һәм ишекләрне алыштырдылар, инженер челтәрләрен ремонтладылар, җиһазлар алыштырылды, эчке бизәкләү эшләрен башкардылар, дип хәбәр итә ТР Президенты матбугат хезмәте.
Татарстанда быел хәрби комиссариат биналарын капиталь ремонтлау турында карар кабул ителде. Бу максатларга республика бюджетыннан 285,4 млн сумга якын акча каралган.
Искәртеп узыйк, Рөстәм Миңнеханов Биектау районында эш сәфәрендә булды. Элегрәк ул биредә, шулай ук Буада һәм Минзәләдә футбол манежларын ачкан иде.
Кызыклы яңалыкларны күзәтеп бару өчен Телеграм-каналга язылыгыз