Рөстәм Миңнеханов Берләшкән Гарәп Әмирлекләрендә JAFZA сәнәгать паркында булды
Скопировать ссылку
Татарстан Республикасы Рәисе Рөстәм Миңнеханов Берләшкән Гарәп Әмирлекләренә сәфәре кысаларында Jebel Ali Free Zone (JAFZA) сәнәгать паркында булды. Бу хакта ТР Рәисе матбугат хезмәте хәбәр итә.
Миңнехановка диңгез терминалын, шулай ук контейнерларны бушату һәм төяү белән махсус кушымта аша идарә итәргә мөмкинлек бирә торган технологияне күрсәттеләр.
Jebel Ali Free Zone (JAFZA) ирекле икътисади зонасы Дубайның көнбатыш өлешендә Абу-Дабидан ерак түгел урнашкан. Анда логистика, электроника, автомобиль сәнәгате, нефть химиясе һәм башка тармаклар предприятиеләре урнашкан.