Рөстәм Миңнеханов Бердәм дәүләт имтиханы нәтиҗәләре түбән булган районнарны атады

Скопировать ссылку

Татарстан Рәисе Рөстәм Миңнеханов мәктәпләрдә Бердәм дәүләт имтиханы нәтиҗәләре түбән булган районнарны атады.

«Мөмкинлекләр бертөрле булса да, дәүләт йомгаклау аттестациясе нәтиҗәләре аерыла. Тукай, Менделеевск, Буа, Лаеш, Ютазы районнарында Бердәм дәүәт имтиханы нәтиҗәләре республика буенча уртача күрсәткечләрдән түбәнрәк», - диде республика Рәисе Дәүләт Советына еллык юлламасында.

Ул кайбер районнарда имтиханда 100 балл җыйган бер укучы да әзерләнмәгәнен билгеләп үтте. «Быел бөтенләй аттестат алмаган чыгарылыш укучылары да бар. Мондый вазгыятьләр булырга тиеш түгел», - диде.

Рөстәм Миңнеханов Мәгариф һәм фән министрлыгына, муниципалитетлар белән берлектә, муниципаль мәгариф органнары эшен карарга, педагогик технологияләрне, методик алымнарны камилләштерү бурычын йөкләде.

#Рөстәм Миңнеханов #еллык юллама

Сәхифәләр

Рөстәм Миңнеханов Бердәм дәүләт имтиханы нәтиҗәләре түбән булган районнарны атады