Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рөстәм Миңнеханов Башкортстанның беренче Президентына һәйкәл ачу тантанасына килде
ТР Рәисе Рөстәм Миңнеханов Уфага Башкортстанның беренче Президенты Мортаза Рәхимовка һәйкәл ачу тантанасына килде. Һәйкәл Дәүләт җыелышы – Корылтай һәм республика Хөкүмәте биналары арасында урнаштырылган, дип хәбәр итә «Башинформ» агентлыгы.
Статуяны скульптор Салават Щербаков ясаган. Сүз уңаеннан, ул шулай ук совет хәрби җитәкчесе, Бөек Ватан сугышы елларында 112нче Башкорт кавалерия дивизиясе командиры Миңнегали Шәйморатовка Совет мәйданында куелган һәйкәл авторы да.
Һәйкәл артында монументаль пилон урнаштырылган, анда Башкортстан картасы сурәтләнгән һәм Рәхимов вакытында кабул ителгән Конституциянең беренче маддәсе тексты язылган. Плитәдә Башкортстан тарихына багышланган бронза рельефлар сурәтләнгән. Тагын ике пилон сәнәгатькә һәм авыл хуҗалыгына багышланган.
Миңнехановтан тыш, һәйкәл ачу тантанасына Башкортстан Башлыгы Радий Хәбиров, шулай ук Рәхимовның хатыны Луиза да килде.
Искәртеп узабыз, Рәхимов 2023 елның 11 гыйнварында бакыйлыкка күчте. Ул 1990-2010 елларда республиканы җитәкләде, 1993 елдан аның Президенты булды. Уфада әлеге сәясәтчегә һәйкәл куелачагы хакында соңрак хәбәр ителгән иде.
Кызыклы яңалыкларны күзәтеп бару өчен Телеграм-каналга язылыгыз