Рөстәм Миңнеханов: Атларга карата булган мәхәббәтне сакларга кирәк!

Скопировать ссылку

Республикада атчылык үсешенә аерым зур игътибар бирелә. Бу хакта Татарстан Рәисе Рөстәм Миңнеханов Дәүләт Советына еллык Юлламасында хәбәр итте.

«Бу максаттан төбәк проекты кабул ителгән, аның нигезендә 2032 елга атлар санын 1,5 тапкыр арттыру ниятләнә. Бу безгә нәселле базаны көчәйтергә, яшь белгечләрне тармакка җәлеп итәргә мөмкинлек бирәчәк. Төп бурыч – атчылык традицияләрен саклау, аны үсеп килүче буын арасында популярлаштыру», – дип белдерде Рөстәм Миңнеханов.

Ул Авыл хуҗалыгы министрлыгына, район башлыклары белән беррәттән, преоктны гамәлгә ашыру механизмнарын гамәлгә ашыру, билгеләнгән күрсәткечләргә ирешү юнәлешендә эшләргә йөкләмә бирде.

«Элек-электән ат татар халкы тормышы белән тыгыз бәйле. Аты барның дәрте бар, ди ата-бабалар. Без бүген дә бу хакта онытмаска тиеш. Атларга карата булган мәхәббәтне сакларга кирәк, бигрәк тә яшьләр арасында», – дип ассызыклады Татарстан Рәисе.

Сәхифәләр

Рөстәм Миңнеханов: Атларга карата булган мәхәббәтне сакларга кирәк!