Рөстәм Миңнеханов Абу-Дабида IDEX-2023 күргәзмәсен ачуда катнашты
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
ТР Рәисе матбугат хезмәте
Татарстан Рәисе Рөстәм Миңнеханов Берләшкән Гарәп Әмирлекләре чакыруы буенча Абу-Дабида IDEX-2023 халыкара күргәзмәсен ачуда катнашты. Татарстан предприятиеләре күргәзмәдә 1995 елдан бирле катнаша.
Утызынчы юбилей күргәзмәсендә Россия павильонында «Рособронэкспорт» акционерлык җәмгыяте, «Алмаз-Антей» концерны, «НПО «Высокоточные комплексы» акционерлык җәмгыяте, «Технодинамика» акционерлык җәмгыяте, «Швабе-Медиа» җаваплылыгы чикләнгән җәмгыяте, «ОПК» акционерлык җәмгыяте, Ульяновск патрон заводы, ФПК «Казанский ГКПЗ» оешмасы тәкъдим ителде.
«Рөстәм Миңнеханов предприятиеләр продукциясе белән танышты. Моннан тыш, Россия вертолетлары стендына куелган продукцияне карады», – дип сөйләде Татарстан Республикасы Рәисенең матбугат хезмәте җитәкчесе Лилия Галимова.
ТР Рәисе матбугат хезмәте
Татарстан Россия белән Әмирлекләр арасындагы мөнәсәбәтләрне ныгытуга актив ярдәм итә. Берләшкән Гарәп Әмирлекләре – республиканың төп сәүдә-икътисади партнерларының берсе. Узган елның 9 ае нәтиҗәләре буенча Татарстан белән Берләшкән Гарәп Әмирлекләре арасында товар әйләнеше 5 тапкырга диярлек артты һәм 28,6 миллион доллар тәшкил итте.