Росстат: Татарстан бензинга бәяләр үсеше темплары буенча башка төбәкләрне узып китте
17-23 сентябрьдә Татарстан бензинга бәяләр үсеше темплары буенча Россиянең башка төбәкләрен узып китте – республикада ул 1,1% ка кыйммәтләнде (59 тиенгә, 53,52 дән 54,11 сумга кадәр). Бу Росстат материалларыннан күренә.
Шул ук вакытта премиаль маркалы бензин (АИ-98 һәм югарырак) Татарстанда 68 тиенгә (0,9% ка диярлек) арткан, литр өчен 75,77 дән 76,45 сумга кадәр.
АИ-95 маркалы бензин 55 тиенгә кыйммәтләнде (0,9% тан артыкка), аның бәясе литры өчен 55,95 сумнан 56,50 сумга кадәр артты.
Шуның белән бергә АИ-92 бензины һәм дизель ягулыгы бәясе якынча 1,2% ка арткан: литры өчен 51,06 дан 51,67 сумга кадәр һәм 61,27 дән 62,07 сумга кадәр (ягъни 61 һәм 74 тиенгә).
Гомумән алганда, Россия буенча бензин бер атна эчендә 0,2% ка (11 тиенгә, литр өчен 58,51 дән 58,62 сумга кадәр), шул исәптән Мәскәү һәм Санкт-Петербургта — 0,1% ка кыйммәтләнгән.
17 сентябрьдән 23 сентябрьгә кадәрге чорда бензин бәяләренең кимүе федерациянең дүрт субъектында теркәлгән, барыннан да бигрәк ул Кострома өлкәсендә (0,8% ка) сизелерлек булган.