Росстат аена 200 мең сумнан күбрәк хезмәт хакы булган тармакларны атады
2026 елның мартында 200 мең сумнан артык уртача хезмәт хакы икътисадның биш тармагында теркәлгән. Бу хакта Росстат мәгълүматлары дәлилли.
Хезмәткә түләүнең иң югары дәрәҗәсе финанс һәм иминият өлкәләрендә билгеләнгән, анда уртача хезмәт хакы 314 мең сум тәшкил иткән.
Нефть һәм табигый газ чыгару өлкәсендә, шулай ук мәгълүмат һәм элемтә өлкәсендә уртача хезмәт хакы 226 мең сумга җиткән. Һава һәм космик транспорт тармагында күрсәткеч 223 мең сум тәшкил иткән, ә тәмәке эшләнмәләре җитештерүдә – 218 мең сум.
Росстат мәгълүматларына караганда, агымдагы елның мартында Россиядә уртача хезмәт хакы 112 654 сум тәшкил иткән.
Татарстанда март аенда уртача хезмәт хакы 99 123 сумга җиткән. Бер ай элек, февральдә, бу күрсәткеч 90 787 сум булган.