Җәмгыять 2 апрель 2024 16:21

Россиянең ЮНЕСКО каршындагы Даими вәкиле Әләүтдинов «Мәскәү-Татарстан күпере»ндә катнаша

Скопировать ссылку

13 апрельдә «Мәскәү - Татарстан күпере» яшьләр форумында Россиянең Париждагы Гадәттән тыш һәм Тулы вәкаләтле вәкиле, ЮНЕСКО каршындагы даими вәкиле Ринат Әләүтдинов үз тәҗрибәсе белән уртаклашачак. Бу хакта Татарстанның Россиядәге Тулы вәкаләтле вәкиллеге хәбәр итә.

Әләүтдинов 40 елдан артык дипломатик хезмәттә тора. Тышкы эшләр министрлыгында эшләгән елларында ул Лаос, Сингапур, Швейцария һәм Бельгиядә вәкил вазифаларын башкарган. Ул инглиз, кытай һәм француз телләрен камил белә.

Форум 13 апрельдә РФ Хөкүмәте каршындагы Финанс университетында (Мәскәү, «Аэропорт» метро станциясе, Ленинград проспекты, 51нче йорт, 1нче корпус) узачак. Чарада гадәттәгечә Татарстан Рәисе Рөстәм Миңнеханов катнаша.

Кунакларга 3нче катка «Нобель залына» күтәрелергә кирәк була. 14.00 сәгатьтә катнашучыларны җыялар, 14.30 сәгатьтә форум эше башлана. Керү түләүсез, ләкин алдан теркәлергә кирәк.

Сәхифәләр

Россиянең ЮНЕСКО каршындагы Даими вәкиле Әләүтдинов «Мәскәү-Татарстан күпере»ндә катнаша