Россиянең югары мөфтие Камил хәзрәт Сәмигуллинны «Иман һәм намус» ордены белән бүләкләде
Скопировать ссылку
Россия Үзәк диния нәзарәте рәисе, югары мөфти Тәлгать хәзрәт Таҗетдин Татарстан мөфтие Камил хәзрәт Сәмигуллинны «Иман һәм намус» ордены белән бүләкләде. Тәлгать хәзрәт Таҗетдин бүләкне дини хезмәтенең 45 еллыгына багышланган тантаналы кабул итү барышында тапшырды. Бу хакта Татарстан Диния нәзарәте матбугат хезмәте хәбәр итә.
Камил хәзрәт югары бүләккә җәмгыятьнең рухи-әхлакый яңарышына, милли рухи мирасны саклауга, Россия халыклары һәм традицион конфессияләре вәкилләре арасында тынычлык һәм татулыкны ныгытуга керткән өлеше өчен лаек булды.