news_header_top
Руc Тат
16+
news_header_bot
news_top
Җәмгыять 30 март 2022 14:51

Россиянең көньяктагы аэропортларына очышларны чикләү тагын бер атнага озайтылды

Скопировать ссылку

Росавиация Россиянең үзәге һәм көньягындагы аэропортларга очышларны вакытлыча чикләү режимын озайтты. Ул 7 апрельгә кадәр гамәлдә булачак, дип хәбәр итә Федераль һава транспорты агентлыгы.

Бүгенге көндә самолетлар түбәндәге шәһәрләрнең аэропортларына очмый: Белгород, Анапа, Брянск, Геленджик, Воронеж, Краснодар, Курск, Ростов-Дон, Липецк, Элиста, Симферополь.

Ведомство авиакомпанияләргә пассажирларны Волгоград, Сочи, Минеральные Воды, Мәскәү һәм Ставрополь аэропортларына китерергә тәкъдим итә. Шуннан аларны очышлар вакытлыча тыелган шәһәрләргә илтәчәкләр.

Россиянең калган аэропортлары, халыкара һава аланнарын да кертеп, гадәти режимда эшли, дип искәрттеләр Росавиациядә.

Әлеге чикләүләр 24 февральдә, Россия Президенты Владимир Путин Украина территориясендә махсус хәрби операция башлануы турында игълан иткәннән соң кертелгән иде.

news_right_1
news_right_2
news_bot