Спорт 25 декабрь 2019 19:46

Россиянең иң яхшы боксчылары Казанда Айрат Хаматов призы өчен ярыша

Турнир Бокс һәм өстәл теннисы үзәгендә 25 декабрьдән 28 декабрьгә кадәр дәвам итә.

Скопировать ссылку

(Казан, 25 декабрь, «Татар-информ»). Бүген, 25 декабрьдә, Казанда Бокс һәм өстәл теннисы үзәгендә СССРның атказанган спорт мастеры, дөнья чемпионы Айрат Хаматов призына бокс буенча XVII Бөтенроссия ярышлары башланды. Бу турыда Татарстан Спорт министрлыгы матбугат хезмәте хәбәр итте.

Турнирда Россия Федерациясенең 25 төбәгеннән йөздән артык иң көчле боксчы катнаша. Ярыш 25 декабрьдән 28 декабрьгә кадәр дәвам итә.

Татарстан Бокс федерациясе бу турнир белән 2019 ел сезонын яба. Ярыш нәтиҗәләре буенча җиңүчеләргә «Бокс буенча Россия спорт мастеры» исеме биреләчәк. Татарстан данын 30 спортчы яклаячак.

Турнир ачылышында танылган спортчылар — дөнья чемпионы, күп тапкыр Европа һәм Россия чемпионы Альберт Селимов, дөнья чемпионы, илкүләм беренчелек чемпионы, Европа чемпионатында көмеш медаль иясе, Ирекле уеннар бронза призеры, атказанган спорт мастеры Айрат Хаматов һ.б. катнаша.

#айрат хаматов призы #бокс

Сәхифәләр

Россиянең иң яхшы боксчылары Казанда Айрат Хаматов призы өчен ярыша