Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Россия хәрбиләре утырган сигез самолёт Казахстаннан кайтты
Шәхси составны һәм техниканы алып кайту өчен унбиш Ил-76 һәм өч Ан-124 самолеты җәлеп ителгән.
(Казан, 15 гыйнвар, «Татар-информ»). Иваново шәһәрендәге Төньяк аэродромына Россия хәрби хезмәткәрләре утырган сигез самолет төште. Алар Казахстанда Күмәк иминлек турындагы килешү оешмасының (ОДКБ) тынычлык урнаштыру миссиясендә катнашты.
«Күмәк иминлек турындагы килешү оешмасының Казахстаннан кайтучы Россия хәрбиләре утырган сигез самолет Төньяк (Иваново шәһәре) аэродромына төште», диелә Россия Оборона министрлыгы матбугат хезмәте хәбәрендә.
Алданрак Төньяк аэродромына тынычлык урнаштыручылар утырган Россия Һава-космик көчләренең алты самолеты төште. Хәрби-транспорт авиациясенең тагын ике самолеты Мәскәү өлкәсендә Чкалов аэродромына төште. Шәхси составны һәм техниканы алып кайту өчен унбиш Ил-76 һәм өч Ан-124 самолеты җәлеп ителгән.
Соңгы борт кайткач, тантаналы чаралар планлаштырылган, диделәр ведомствода. Аннары тынычлык урнаштыручылар даими дислокация урынына китәчәк.
«Татар-информ» агентлыгы хәбәр иткәнчә, Казахстаннан тынычлык урнаштыручылар 13 гыйнварда чыгарыла башлый һәм ул 10 көн дәвам итә.
Кызыклы яңалыкларны күзәтеп бару өчен Телеграм-каналга язылыгыз