Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Россия халкына 2026 елда пенсияләрне индексацияләү сроклары турында сөйләделәр
2026 елда Россиядә төрле категориядәге гражданнар өчен пенсияләрне яңадан исәпләү һәм индексацияләүнең чираттагы этаплары планлаштырылган. Плеханов исемендәге Россия икътисад университетының дәүләт һәм муниципаль финанслар кафедрасы профессоры Юлия Финогенова аның сроклары турында искәртте.
Аның сүзләренчә, ел ахырына кадәр ике төп этап планлаштырылган.
«Ел ахырына кадәр эшләүче пенсионерларны - пенсияләрне яңадан исәпләү, ә хәрбиләрне дәүләт пенсия тәэминаты кысаларында ала торган пенсияләрне индексацияләү көтә. 2026 елның 1 августыннан эшләүче пенсионерларның иминият пенсияләре ел саен яңадан исәпләнәчәк», – дип билгеләп үтте ул ТАСС агентлыгы белән әңгәмәсендә.
Эксперт ачыклык керткәнчә, хәрби пенсионерлар өчен киләсе индексация 2026 елның 1 октябрендә булачак.
«Аларның пенсиясе күләме, барлык өстәмәләрне дә исәпкә алып, пенсия суммасының 93,59 проценты дәрәҗәсендә сакланачак», – дип искәртте профессор.
Ул ахыргы коэффициенты инфляцияне исәпкә алып төзәтелергә мөмкин, дип өстәде.
2026 елның гыйнварында иминият пенсияләренә индексация үткәрелде инде, ул 7,6 процент тәшкил итте. Алдагы елларда мондый индексацияләр, инфляцияне һәм хезмәт хаклары үсешен исәпкә алып, елга ике тапкыр үткәрелер дип көтелә.
Финогенова билгеләп үткәнчә, пенсияләрне яңадан исәпләү һәм индексация төрле механизмнардан гыйбарәт һәм ул эшләүче пенсионерларның түләүләрен планлы арттыруга тискәре йогынты ясамый.
Кызыклы яңалыкларны күзәтеп бару өчен Телеграм-каналга язылыгыз