Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Россиялеләрне «ялгыш» акча күчерүгә бәйле мошенниклык очраклары ешаю турында кисәттеләр
Россиядә, янәсе, корбанның картасына ялгыш акча күчерү белән бәйле мошенниклык очраклары ешайган. Бу хакта ТАСС агентлыгы Федерация Советы каршындагы цифрлы икътисадны үстерү Советы рәисе урынбасары, сенатор Артем Шейкинга сылтама белән хәбәр итә.
«Башта счетка акча килә, аннары акчаны җибәрүче, алучы белән элемтәгә кереп, аны кире кайтаруны сорый, ләкин башка картага. Янәсе, санны дөрес язмаганмын, ашыгыч рәвештә кире кайтарырга кирәк, бу соңгы акчам иде дип аңлата. Беренче карашка, сүз гап-гади үтенеч турында бара. Әмма еш кына мондый акчалар өченче затлардан урланган булып чыга», - дип сөйләде Шейкин.
Парламентарий аңлатканча, мондый очракта банкка мөрәҗәгать итәргә кирәк, аның хезмәткәрләре тикшерү уздырачак. Моннан тыш, хокук саклау органнарына гариза язарга мөмкин. Бу сезнең акчага катнашыгыз булмавын һәм аны хуҗасына законлы тәртиптә кайтарырга әзер булуыгызны теркәячәк.
«Акча җибәргән билгесез кеше белән мәсьәләне мөстәкыйль рәвештә хәл итәргә ярамый. Акчаны кире кайтару банк аша һәм рәсми процедура кысаларында гына башкарылырга тиеш. Хәлне ачыклаганчы әлеге акчадан файдаланырга ярамый, чөнки бу законсыз рәвештә баю буларак квалификацияләнергә мөмкин», - дип нәтиҗә ясады Шейкин.
Кызыклы яңалыкларны күзәтеп бару өчен Телеграм-каналга язылыгыз