Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Россиялеләрне Яңа ел алдыннан булган мошенниклык схемалары турында кисәттеләр
Яңа ел бәйрәмнәре алдыннан җинаятьчеләр алдау схемаларын активлаштыралар, аларны табышлы тәкъдимнәр һәм ашыгыч хәбәрләр итеп күрсәтәләр. Бу хакта «Татар-информ»га Хәвефсез интернет үзәге координаторы Урван Парфентьев сөйләде.
Аның сүзләре буенча, мошенниклар еш кына корбанны кирәкле гамәлләрне кылырга мәҗбүр итү өчен актуаль мәгълүмат сәбәпләрен кулланалар. Шуларның берсе – Яңа елга әзерләнү.
«Мошенниклар иң кечкенә вакыйганы да үз файдаларына борырга тырышалар. Алар сезгә ниндидер сылтау белән шалтыратырга тиеш, һәм бу сылтау еш кына актуаль мәгълүмат сәбәбе була. Гади генә мисал – Яңа ел», – дип билгеләп үтте эксперт.
Мондый схемаларның типик мисаллары – зур ташламалар белән «Яңа ел сатулары» һәм «узган елгы товарларны бетерү» турындагы хәбәрләр, шулай ук коммуналь тарифларның тиз арада үсүе белән куркыту.
Эксперт искәрткәнчә, мондый хәбәрләрдәге бердәнбер хакыйкать – бу бәйрәмнең якынлашу факты. Калган барлык мәгълүматны рәсми чыганаклар аша тикшерергә кирәк.
Кызыклы яңалыкларны күзәтеп бару өчен Телеграм-каналга язылыгыз