Россиялеләргә социаль әһәмияткә ия интернет-ресурсларга бушлай керү вакытын озайттылар
Россия Хөкүмәте социаль әһәмияткә ия онлайн-ресурсларга бушлай керү вакытын 24 сәгатьтән 7 көнгә кадәр арттырды. Абонент исәбендә балансның күпме булуына карамастан, хәзер россиялеләр расланган исемлеккә кертелгән хезмәтләрдән файдалана алачак. Исемлекне Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт раслаган. Бу хакта Министрлар Кабинетының матбугат хезмәте хәбәр итә.
Эшләр «Уңайлы интернет» программасы кысаларында гамәлгә ашырыла.
Хәзерге вакытта бу исемлектә «Дәүләт хезмәтләре» һәм «ВКонтакте» социаль челтәре бар. Исемлек Россия Цифрлар министрлыгы тәкъдиме нигезендә төзелә һәм тулыландырыла, вице-премьер Дмитрий Чернышенко җитәкчелегендә Хөкүмәтнең махсус комиссиясе тарафыннан раслана.
Яңа кагыйдәләр Россия Президенты Владимир Путин кушуы буенча 2024 елның 1 сентябреннән үз көченә керәчәк.