Россия кошчылык берлеге йомыркага бәяләр үзгәрмәячәк дип белдерде
Йомырка бәяләре төшүе икеле. «Парламент газетасы»на Россия кошчылык берлеге («Росптицесоюз») генераль директоры Галина Бобылева шулай дип белдерде, дип яза РИА Новости.
«Йомырка арзанаймаячак. Минемчә, билгеләнгән бәяләр — дистәсе 110-125 сум — абсолют дәрәҗәдә нормаль, гадел һәм әлеге продукт өчен адекват», — диде ул.
Бобылева аңлатканча, бүген җитештерүчеләрнең бәясе 95-105 сум тора, ә калганнары —котылгысыз сәүдә өстәмәсе бәясе.
2023 елда Россиядә тавык йомыркасы якынча бер ярым тапкыр кыйммәтләнде. Россия Президенты Владимир Путин йомгаклау матбугат конференциясендә аңлатуынча, моңа ихтыяҗның артуы китергән, ә җитештерү үсмәгән, һәм импорт вакытында ачылмаган.
Декабрь уртасында Россия авыл хуҗалыгы министры Дмитрий Патрушев хәбәр иткәнчә, ведомство Азәрбайҗан һәм Төркиядән товар килүен көтә — ул бәяләрне түбәнәйтергә мөмкинлек бирәчәк.
Хөкүмәт 1 гыйнвардан 30 июньгә кадәр 1,2 миллиард тавык йомыркасын пошлинасыз кертергә рөхсәт итте.