Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Россиялеләргә имтиханнарга автомәктәпләрдән башка әзерләнергә рөхсәт итәргә телиләр
Илкүләм автомобиль берлеге РФ Премьер-министры Михаил Мишустинга автомәктәпләрдә мәҗбүри укытудан тыш гражданнарга теоретик имтиханнарга һәм машина йөртергә әзерләнергә рөхсәт итү тәкъдиме белән мөрәҗәгать итте. Бу хакта «Ведомости» хәбәр итә, аның дөреслеген Илкүләм автомобиль берлеге президенты Антон Шапарин раслады.
Оешмада билгеләп үткәнчә, автомәктәпләрдә әзерлекнең сыйфаты яхшы түгел: укытучыларның еш кына квалификацияләре җитәрлек түгел, ә уку йортлары җитәкчеләре укучыларның уңышлары белән кызыксынмый.
Искәртик, 2013 елдан башлап имтиханнарга мөстәкыйль әзерләнү юл хәрәкәте кагыйдәләренә кертелгән үзгәрешләр белән тыела.
Моннан тыш, хатта Россия мәктәпләрендә юл хәрәкәте кагыйдәләрен һәм аларны бозган өчен җаваплылык турында мәҗбүри өйрәнү кертү инициативасы бар. Бу курсны «Ватан иминлеге һәм саклау нигезләре» дисциплинасы программасына кертергә тәкъдим ителә (элегрәк – ОБЖ).
Кызыклы яңалыкларны күзәтеп бару өчен Телеграм-каналга язылыгыз