Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россиялеләрнең 78% рус телле халыкның СССР илләреннән күчүен хуплый
Рус телен белү, күпчелек гражданнар фикеренчә, Россия Федерациясе паспортын алуны җиңеләйтергә тиеш түгел.
(Казан, 21 март, «Татар-информ»). Россиялеләрнең 78 проценты рус телле халыкның элеккеге СССР илләреннән Россиягә күчү идеясен хуплый, ә 75 проценты башка илләрдән квалификацияле эшчеләрне җәлеп итүгә каршы түгел. Бу хакта “Известия” газетасы хәбәр итә.
Әлеге күрсәткечләр Бөтенроссия иҗтимагый фикер өйрәнү үзәге тарафыннан уздырылган сорашутыру нәтиҗәсе буенча китерелә.
Шул ук вакытта квалификациясез эшче көчләрнең үсүенә 85 процент сораштырылучы каршы килгән.
Әгәр Россиягә күчәргә теләүче рус телле халык турында әйтсәк, 40 процент россияле аларга ярдәм итәргә кирәк, дип саный. 33 проценты квалификацияле эшчеләргә ярдәм күрсәтергә кирәк ди, ә 3 проценты күчеп килүчеләргә ярдәм итүне кирәк тапмый.
Рус телен белү 26 процент сораштырылучы фикеренчә, Россия гражданлыгын алуны җиңеләйтергә тиеш. 41 процент кеше Россия Федерациясе паспортын бирүгә һәр очракта аерым караш булырга, ә 29 процент – тәртип барлык кешегә дә бер булырга тиеш, дип уйлый.
Сораштыру 2016 елның 17–18 декабрендә 1,6 мең сораштырылучы арасында телефон аша уздырылган. Статистик ялгышлык 2,5 проценттан артмый.
Кызыклы яңалыкларны күзәтеп бару өчен Телеграм-каналга язылыгыз