Җәмгыять 22 февраль 2017 13:31

Россиялеләр интернетта Төркиягә турларны ике тапкыр ешрак эзли башлаган

"Яндекс"ның Россиядәге кулланучылары турларга 5 миллионнан артык сорау биргән.

Скопировать ссылку

(Казан, 22 февраль, “Татар-информ”). “Яндекс”ның Россиядәге кулланучылары 2017 елның гыйнварында Төркиягә турларны ике ел элек теркәлгән мәгълүматлар белән чагыштырганда, ике тапкыр ешрак эзли башлаган. Бу хакта Россия туроператорлары ассоциациясе үткәргән анализ нәтиҗәләре сөйли. Әлеге мәгълүмат оешманың рәсми сайтында бастырылган, дип яза “ТАСС”.

Шулай итеп, “Яндекс”ның Россиядәге кулланучылары турларга 5 миллионнан артык сорау биргән. Бу үткән ай мәгълүматлары белән чагыштырганда, 36,7 процентка һәм үткән ел белән чагыштырганда, 97,4 процентка артык дигән сүз.

Иң еш сорала торган курортлар – Алания, Кемер һәм Анталия. “Барысы да кертелгән” туклану системасы буенча срораулар гадәттәгечә иң популярлар арасында.

2017 елның гыйнварында чит илдә ял итү юнәлешләре буенча “Яндекс”та Таиланд (сораулардан 12,2 процент), Төркия (6,2 процент), Һиндстан (Гоа, 6 процент), Вьетнам (5,7 процент), Мисыр (5,2 процент), Греция (4,9 процент), Италия (4,6 процент), Кипр (3,9 процент), Испания (3,5 процент) һәм Доминикан Республикасы (3,5 процент) лидерлар булган.

#Төркия #туризм #лидер #Яндекс

Сәхифәләр

Россиялеләр интернетта Төркиягә турларны ике тапкыр ешрак эзли башлаган