Россияле Валентина Алексеева тарихта беренче «Мисс БРИКС» булды
«Казан Экспо» күргәзмә үзәгендә узган «Мисс, миссис һәм кечкенә мисс БРИКС 2026» беренче халыкара матурлык конкурсында Miss BRICS номинациясендә Россия вәкиле Валентина Алексеева төп таҗны яулады.
«Мисс Россия – 2024» титулы иясе икенче һәм өченче урыннарны алган Боливия һәм Беларуссия көндәшләрен узып китте. Беларуссия вәкиле «Мисс» категориясендә тамашачылар симпатиясе призына лаек булды.
Фото: © Рамил Гали / «Татар-информ»
«Миссис БРИКС» категориясендә жюри беренче урынны Көньяк Африка Республикасыннан катнашучыга бирде. Икенче урынга Казахстан вәкиле лаек булды, ул тамашачылар симпатиясе призын да алды. Россияле Александра Хватова иң көчлеләр өчлеген япты.
Фото: © Рамил Гали / «Татар-информ»
Яшь катнашучылар арасында – «Кечкенә мисс БРИКС» номинациясендә – Кытай вәкиле җиңү яулады. Икенче урында – Беларусь, өченчедә – БГӘ. Бу категориядә тамашачылар симпатиясе призы шулай ук Казахстанга эләкте.