Икътисад 4 февраль 2017 11:15

Россиягә Европаның кайбер илләреннән кош итен кертү тыелды

Тыюның сәбәбе - Европа Берлеге территориясендәге кош үрчетү хуҗалыкларында грипп тарала башлау.

Скопировать ссылку

(Казан, 4 февраль, “Татар-информ”). Россия Авыл хуҗалыгы күзәтчелеге кошларда югары патогенлы грипп очраклары теркәлгән Европа илләреннән кош итен һәм башка азык-төлек продукциясен кертүне тыйган. Бу хакта “Интерфакс” хәбәр итә.

Россия Авыл хуҗалыгы күзәтчелеге матбугат секретаре Юлия Мелано бу гамәлгә бару Европа Берлеге территориясендә авыру таралышының артуы һәм Россия территориясенең эпизоотик иминлегенен яклау әһәмияте белән бәйле дип аңлаткан.

Шулай ук ул югары патогенлы гриппның Австрия, Бөек Британия, Венгрия, Болгария, Греция, Германия, Италия, Нидерландлар, Польша, Румыния, Словакия, Франция, Хорватия, Чехия, Швеция кош үрчетү хуҗалыкларында теркәлгән булуын хәбәр иткән.

#Европа Берлеге #тыю #азык-төлек #кош ите #югары патогенлы грипп

Сәхифәләр

Россиягә Европаның кайбер илләреннән кош итен кертү тыелды