Җәмгыять 9 сентябрь 2019 18:12

Россиягә багышланган XII илкүләм журналистлар бәйгесенә йомгак ясалды

Бүләкләү тантанасы 4 октябрьдә “Корстон” сәүдә-күңел ачу комплексында булачак.

Скопировать ссылку

(Казан, 9 сентябрь, “Татар-информ”). "Күп йөзле Россия" ("Многоликая Россия") XII Бөтенроссия журналистлар бәйгесенә нәтиҗә ясау төгәлләнде. Бу хакта “Татмедиа” Республика матбугат һәм массакүләм коммуникацияләр агентлыгы хәбәр итә.

Җиңүчеләр “Телесюжетлар циклы”, “Радиотапшырулар (репортажлар) циклы”, “Телепроект (документаль фильм, телетапшырулар циклы)”, “Интернет массакүләм мәгълүмат чараларында материаллар циклы”, “Басма матбугатта язмалар циклы”, “Массакүләм мәгълүмат чараларында балалар-яшүсмерләрнең мәгърифәтчелек проектлары” кебек номинацияләрдә ачыкланган.

Бәйге җиңүчеләрен 4 октябрьдә “Корстон” сәүдә-күңел ачу комплексында бүләкләячәкләр.

2019 елда бәйгенең приз фонды 1,82 млн сумны тәшкил итә. Аның 500 мең сумы Гран-при ияләренә бирелә.
Бәйгене Милләтләр эшләре буенча федераль агентлык ярдәме белән “Татмедиа” Республика матбугат һәм массакүләм коммуникацияләр агентлыгы гамәлгә куя һәм оештыра.

#бәйге #татмедиа

Сәхифәләр

Россиягә багышланган XII илкүләм журналистлар бәйгесенә йомгак ясалды