news_header_top
16+
news_header_bot
news_top

Россиядө онлайн-платформалардан кулланучыларның яшен тикшерү системасын кертергә җыеналар

Россия Цифрлы үсеш министрлыгы онлайн-платформалардан кулланучыларның яшен билгеләү механизмнарын гамәлгә кертергә җыена. Бу хакта Санкт-Петербург халыкара икътисади форумы кысаларында узган IT-иртәнге аш вакытында ведомство башлыгы Максут Шадаев белдерде, дип хәбәр итә «Интерфакс».

«Якын киләчәктә платформаларга яшьне тикшерү механизмнарын интеграцияләү бурычы тора», – диде Шадаев.

Министр билгеләп үткәнчә, күп кенә алдынгы илләр, шул исәптән Европа дәүләтләре, бу өлкәдә кагыйдәләрен кырысландыра.

Цифрлы үсеш министрлыгы мисал буларак кулланучыларның яшен тикшерү механизмнары кулланылучы Roblox онлайн-уен платформасы тәҗрибәсен өйрәнә.

news_right_1
news_right_2
news_bot