Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Россиядә якынча 41 мең мәктәп театры эшли
Россиядә якынча 41 мең мәктәп театры эшли – һәр мәктәпнең диярлек үз театры бар. Бу хакта РФ Президенты администрациясе җитәкчесенең беренче урынбасары Сергей Кириенко «Россия» илкүләм үзәгендә Артист көне уңаеннан мәдәният эшлеклеләрен бүләкләү тантанасында хәбәр иткән. Аның сүзләрен «ТАСС» китерә.
Кириенко билгеләп үткәнчә, мәктәп театрлары – Мәгариф министрлыгы, Россия балалар һәм яшьләр хәрәкәте, Мәдәният министрлыгы һәм Театр эшлеклеләре берлегенең уртак проекты. Мәдәният үсеп килүче буынны тәрбияләүдә төп роль уйный, дип ассызыклады ул.
Аның сүзләренчә, театр сәнгате туган телгә карата мәхәббәт тәрбияли, Россия һәм дөнья мәдәниятенең классик әсәрләрен аңларга һәм хөрмәт итәргә, яхшылыкны яманлыктан аера белергә өйрәтә һәм эчке дөньяны формалаштыра.
Президент администрациясе башлыгының беренче урынбасары шулай ук рус театрының тарихы бай булуын билгеләп үтте. Ул традицияләрне саклаучы ветераннарга һәм танылган сәнгать эшлеклеләренә рәхмәт белдерде. «Театр яшьләр килгәндә, ул исән булачак. Яңа иҗатчылар һәм рәхмәтле тамашачылар тәрбияләү бик мөһим», – дип ассызыклады Кириенко.
Кызыклы яңалыкларны күзәтеп бару өчен Телеграм-каналга язылыгыз