news_header_top_970_100
Руc Тат
16+
news_header_bot_970_100
Җәмгыять 1 июнь 2023 09:26

Россиядә ташламага ия гражданнар коммуналь хезмәтләр өчен 30-50 процент азрак түлиячәк

Скопировать ссылку

Гражданнарның ташламалы категорияләренә торак-коммуналь хезмәтләр өчен түләгәндә 30-50 процент ташлама биреләчәк. Ташлама күләме категориягә бәйле булачак. Бу хакта «Известия» Россия Төзелеш министрлыгына сылтама белән яза.

«ТКХ һәм шәһәр мохите» дигән электрон домен эшләнәчәк, анда бу өлкәдәге төрле сервислар җыелачак. Алар арасында «Гражданин» да бар, ул торак-коммуналь хезмәтләр өчен чыгымнарны каплау өчен кулланылачак.

Хәзерге вакытта аерым категория гражданнарга ташламалар бирелә, мәсәлән, инвалидлар, хезмәт ветераннары, Бөек Ватан сугышы ветераннары һ.б. Коммуналь түләү чыгымнарының бер өлеше билгеле бер суммадан артык булган кешеләр өчен дә субсидияләр каралган.

Төзелеш Министрлыгында билгеләп үтүләренчә, «бюджет акчаларын куллану адреслылыгы принцибын үтәүне исәпкә алып, дәүләттән ярдәм чарасы алучы граждан хезмәтләр өчен аларның бәясеннән 30-50 процентка кимрәк (льготалы категориягә бәйле рәвештә) түләячәк».

Субсидияләр электрон сертификат рәвешендә биреләчәк – аны ташлама дип атарга мөмкин. Счет буенча гражданин азрак түләячәк –  Ресурслар белән тәэмин итә торган оешмаларга (РСО) калган өлешне дәүләт компенсацияләячәк.

autoscroll_news_right_240_400_1
autoscroll_news_right_240_400_2
news_bot_970_100