news_header_top
16+
news_header_bot
news_top

Россиядә таксида балалар креслосы булу мәҗбүри булырга мөмкин

Балалар креслосы булу Россия таксилары өчен мәҗбүри булырга мөмкин, РФ Хөкүмәте тиешле инициативаны өйрәнәчәк. Бу хакта РИА Новостига биргән интервьюсында РФ вице-премьеры Андрей Никитин сөйләде.

«Таксины балалар креслосы белән мәҗбүри җиһазландыру тәкъдиме дә бар. Боларның барысын да без хезмәттәшләр белән әңгәмә режимында эшләячәкбез», - дигән мәгълүмат бирде Никитин.

Вице-премьер сүзләренчә, документ якындагы берничә айда ачык фикер алышуга чыгарылачак.

«Баланы йөрткән өчен өстәмә түләүне һәм тарифларның яшь буенча дифференциациясен бетерә торган законнарга үзгәрешләр әзерләнде. Дүрт шәһәрдә <...> күп балалы гаиләләр өчен промокодлар белән эксперимент уза», – дип сөйләде элегрәк транспорт министрының беренче урынбасары Константин Пашков.

news_right_1
news_right_2
news_bot