Икътисад 11 декабрь 2024 10:41

Россиядә приставларны бурыч түләттерүгә җәлеп итүне бер елга кичектерергә телиләр

Скопировать ссылку

Россиядә приставларны халыктан бурыч җыюга җәлеп итүне кичектереп торырга ниятлиләр. Әйтик, әҗәткә бирүчеләр ел дәвамында аларның хезмәтеннән файдалана алмаячак, дип хәбәр итә РБК РФ Юстиция министрлыгы закон проектына сылтама белән.

Әлеге тыю микрофинанс оешмалары, коллекторлар һәм банкларга кагылачак. Өстәвенә, приставларны физик затлардан бурыч түләттерүгә җәлеп итү алар өчен алга таба түләүле булырга мөмкин.

Төзәтмәләр «Башкарма производство турында» һәм «Физик затларның бурычын түләттерү турында»гы законнарга кертеләчәк.

Хәзерге вакытта базарда катнашучылар мәҗбүри үтәтү органнарының ресурсларын һәм вәкаләтләрен, бурыч түләттерүнең судка кадәрге алымнарыннан файдалану урынына, табыш алу өчен куллана.

Закондагы үзгәрешләр судка кадәр җайга салу алымнарына мөрәҗәгатьләрнең ешлыгын арттырырга һәм, шуның нәтиҗәсе буларак, приставларга мөрәҗәгатьләр санын һәм үз вакытында түләнмәгән бурычларны җыю өчен кирәкле вакытны киметергә мөмкинлек бирер дип көтелә. Боларның барысы да Россия бюджетына салым булмаган керемнәр килү күләме артуга китерәчәк, дип фаразлый проект авторлары.

Сәхифәләр

Россиядә приставларны бурыч түләттерүгә җәлеп итүне бер елга кичектерергә телиләр