Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Россиядә мәҗбүри медицина иминияте буенча прививкалар исемлеген арттырырга планлаштыралар
Гражданнар өчен мәҗбүри медицина иминияте системасына керә торган бушлай прививкалар исемлеге вакыт узу белән киңәйтелергә мөмкин. Аңа менингококк инфекциясенә каршы вакцинацияне дә кертергә уйлыйлар. Бу хакта Дәүләт Думасының сәламәтлек саклау комитеты рәисе Сергей Леонов ТАСС белән әңгәмәдә хәбәр итте.
«Абсолют төгәл [киңәйтергә] кирәк», - диде депутат, мәҗбүри медицина иминияте буенча мөмкин булган прививкалар исемлеген арттыру буенча планнар турындагы сорауга җавап биреп.
Аның сүзләренчә, хәзер менингококк инфекциясенә каршы көрәшкә аерым игътибар бирелә. «Прививкалар календаренә кертергә кирәк булган тагын берничә инфекция бар, тик, минем уйлавымча, барысының да үз вакыты бар, һәм алар дәүләт моңа әзер булганда кертеләчәк», - дип ассызыклады Леонов.
Ул аңлатканча, элегрәк менингококкка каршы вакцина булдыруның катлаулылыгы чирне килеп чыгуның төрле серотиплары бәйле булган.
«Хәзер мондый вакцина булдырылган, ул клиник сынаулар уза. Федераль медицина-биология агентлыгы тарафыннан булдырылган. Шуңа күрә, <... > дәүләт бездә, һәрхәлдә, куркыныч төркеменә керүчеләргә прививка ясау өчен җитәрлек куәт булуын аңлагач, әлеге карар кабул ителәчәк», - диде парламентарий.
Кызыклы яңалыкларны күзәтеп бару өчен Телеграм-каналга язылыгыз