Җәмгыять 4 ноябрь 2026 21:18

Россиядә кыш җылы булачак

Скопировать ссылку

Алдагы кыш Россия территориясенең күпчелек өлешендә җылырак яки климат нормасына якынрак булыр дип көтелә. Шул ук вакытта кайбер төбәкләрдә температураның сизелерлек үзгәрүе мөмкин, ә Ерак Көнчыгышта сезон алдагысыннан кырысрак булырга мөмкин. 2026 елның октябреннән 2027 елның мартына кадәрге чорга мондый фаразны Россия Гидрометүзәге тәкъдим итте.

Моның фонында белгечләр Тын океанның экваториаль зонасының үзәк һәм көнчыгыш өлешләрендә өске сулар аномаль җылына торган Эль-Ниньо – климат күренешенең көчәюенә игътибар иттеләр. Бөтендөнья метеорология оешмасы (ВМО) бәяләве буенча, ул 2026 елның декабрендә моңарчы күрелмәгән көчкә ирешергә мөмкин.

Океан өслегендәге температураның тиешле зонада нормадан артуы 3,8 градуска җитәргә мөмкин – бу соңгы дүрт дистә елда рекордлы күрсәткеч булачак.

Эль-Ниньо атмосфера циркуляциясенә, бигрәк тә тропик киңлекләрдә, температура режимын һәм явым-төшем күләмен үзгәртеп йогынты ясый. Кагыйдә буларак, бу күренеш планетада уртача температура күтәрелүгә ярдәм итә.

Россия тарихында иң җылысы 2019/2020 елның кышы булды. Ул 2015/2016 елгы сезоннан 1,3 градуска җылырак булып чыкты.

Сәхифәләр

Россиядә кыш җылы булачак