Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Россиядә күп балалы гаиләләргә ял өчен компенсация кертергә мөмкиннәр
Дәүләт Думасы депутатлары Россия Хөкүмәте рәисе Михаил Мишустинга күп балалы, аз керемле һәм инвалид балалы гаиләләр өчен ял итү чыгымнарының бер өлешен компенсацияләү механизмын булдыру тәкъдиме белән мөрәҗәгать итте. Бу хакта РИА Новости хәбәр итә.
Документта мондый категориядәге гражданнар өчен дәүләт ярдәменең адреслы чараларын эшләү кирәклеге ассызыклана, ул эчке туризм мөмкинлеген арттырачак.
Инициатива авторлары тәкъдимне гамәлгә ашыру гаилә туризмын үстерүгә һәм ял итү өчен уңайлы мохит булдыруга ярдәм итәчәк, дип саный. Бу социаль дәүләт буларак, дәүләт сәясәте өстенлекләренә туры килә.
Дәүләт Думасының Туризм буенча комитеты рәисе Сангаджи Тарбаев билгеләп үткәнчә, Россия гаиләләренә ярдәм берничә федераль ведомствоның комплекслы якын килүен һәм үзара хезмәттәшлеген таләп итә. Аның сүзләренчә, ялга чыгымнарның бер өлешен компенсацияләү гаиләләргә Россия буенча ешрак сәяхәт итәргә, ә туристлык бизнесына илебез туристларының ихтыяҗларын активрак исәпкә алырга мөмкинлек бирер иде.
Күп балалы гаиләләргә ярдәм итү «Гаилә» илкүләм проекты максатларына туры килә.
Кызыклы яңалыкларны күзәтеп бару өчен Телеграм-каналга язылыгыз