Җәмгыять 21 сентябрь 2024 10:12

Россиядә көзге чакырылыш иске кагыйдәләр буенча узачак

Скопировать ссылку

2024 елгы көзге чакырылыш иске кагыйдәләр буенча узачак, хәрби исәп реестры тулысынча эшләп киткәнче, повесткалар традицион рәвештә киләчәк. Бу хакта РИА Новости агентлыгы Дәүләт Думасының саклану комитеты башлыгы Андрей Картаполовка сылтама белән хәбәр итә.

«Көзге чакырылыш, элегрәк әйтелгәнчә, иске кагыйдәләр буенча узачак», - диде Картаполов.

Депутат билгеләп үткәнчә, хәрби исәп реестры әле сынау режимында, повесткалар традицион алым белән киләчәк. Аның сүзләренчә, реестр 2025 елның 1 гыйнварында тулысынча эшли башларга тиеш.

Россия Президенты Владимир Путин август аенда, шул исәптән хәрби исәп реестры ярдәмендә, армиядә хезмәт итәргә тиешле кешеләр эшли торган оешмалар белән хәрби комиссариатлар арасындагы үзара бәйләнеш турындагы законны имзалады. Элегрәк Путин Саклану министрлыгына 2024 елда көзге чакырылышны хәрби исәп бердәм реестрын һәм традицион повесткалар реестрын кулланып үткәрергә кушкан иде.

Сәхифәләр

Россиядә көзге чакырылыш иске кагыйдәләр буенча узачак