Россиядә кемнәрнең 45 яшьтә пенсиягә чыгу хокукы барлыгы турында сөйләделәр
Дәүләт Думасының Хезмәт, социаль сәясәт һәм ветераннар эшләре комитеты әгъзасы Светлана Бессараб хәбәр иткәнчә, куркыныч хезмәт шартларында эшләүче россиялеләр 45 яшьтә пенсиягә чыгарга мөмкин. Бу хакта РИА Новости яза.
«45 яшьтә пенсиягә куркыныч хезмәт шартларында эшләүчеләр генә чыга ала. Мәсәлән, очу суднолары экипажлары әгъзалары өчен, коткаручылар өчен мөмкин», — дип сөйләде Бессараб «Лента.ру» белән әңгәмәдә.
Ул шулай ук билгеләп үткәнчә, куркыныч хезмәт шартларында эшләгән һәм пенсиягә вакытыннан алда чыгарга теләгән россиялеләр өчен стаж буенча шартлар бар.
«50 яшьтә махсус хезмәт шартлары белән бәйле рәвештә вакытыннан алда пенсиягә чыгу хокукына ия булучылардан тыш, биш һәм аннан да күбрәк бала тапкан хатын-кызлар да чыга ала», – дип йомгаклады депутат.