news_header_top_970_100
Руc Тат
16+
news_header_bot_970_100
Икътисад 29 май 2023 10:11

Россиядә итек җитештерүчеләр өчен салым ташламалары кертелде

Скопировать ссылку

Киез аяк киеме – итек җитештерүчеләргә салымнар һәм иминият взносларының барлык төрләрен кичектереп түләү хокукы биреләчәк. Аның максималь срогы бер елдан да артык түгел, яки өч ел дәвамында өлешләп түләргә мөмкин. Итек җитештерүгә ташламалар РФ Хөкүмәтенең бүген үз көченә керә торган яңа карары белән билгеләнгән. Бу хакта «Парламентская газета» яза.

Итек җитештерү салым ташламаларын файдалана торган сезонлы тармаклар һәм эшчәнлек төрләре исемлегенә кертелгән. Хөкүмәттә искәртүләренчә, мондый адым җитештерүчеләргә кредит күләмен киметергә мөмкинлек бирәчәк һәм артып калган акчаны чимал сатып алу, җиһазларны яңарту яки хезмәткәрләргә өстәмә эш хакы түләүгә юнәлдереп булачак.

Базар экспертлары билгеләп үткәнчә, соңгы елларда итеккә ихтыяҗ арта, шул исәптән бу аяк киеменең махсус кием-салымның күп кенә төрләре комплектына керүе хисабына да.

autoscroll_news_right_240_400_1
autoscroll_news_right_240_400_2
news_bot_970_100