Җәмгыять 10 декабрь 2024 10:49

Россиядә йорт хайваннарын бердәм реестрда теркәүне мәҗбүр итәргә телиләр

Скопировать ссылку

2025 елның 1 гыйнварыннан Россиядә йорт хайваннарын бердәм реестрда мәҗбүри теркәү кертергә телиләр. Бу закон проектының инициаторлары – Санкт-Петербург депутатлары һәм аларның тәкъдимен Закон чыгаручылар советы хуплаган инде. Хәзер проект Дәүләт Думасына җибәрелгән. Моңа охшаш реестр Мәскәү өлкәсендә эшли инде. Ул йорт хайваннарын исәпкә алуны җиңеләйткән һәм хуҗаларының җаваплылыгын арттырган. Закон барлык йорт хайваннарын маркировкалауны һәм теркәүне күздә тота, бу бигрәк тә этләр өчен актуаль, алар еш кына куркыныч тудыра, дип яза «Парламентская газета».

Йорт хайваннары реестры автоматлаштырылган дәүләт системасы булачак. Аны ветеринар күзәтчелек федераль органы алып бара башлый. Закон проекты нигезендә, теркәү сукбай хайваннар санын (бигрәк тә аларның популяциясе күп булган төбәкләрдә) киметергә ярдәм итәчәк. Депутат Николай Валуев башта бу системаны Бурятиядә яки Якутиядә сынап карарга, бу чараның нәтиҗәлелеген бәяләргә тәкъдим иткән. Шулай ук ул җәмгыятьтә ризасызлык тумасын өчен, ташламага ия булучылар хайваннарны бушлай теркәргә тиеш диде.

Сәхифәләр

Россиядә йорт хайваннарын бердәм реестрда теркәүне мәҗбүр итәргә телиләр